Addo The 1st wonder of our world

EnglishSpanishChineseFrenchGerman
Events
September 2020
  • M
  • T
  • W
  • T
  • F
  • S
  • S
  •  
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  •  
  •  
  •  
  •  
  •  
  •  
  •  
  •  
  •  
  •  
  •  
Cacadu
Tourism News
Taalding laat Willowmore met sy eie donkiekar
07 November 2009
 

Sy praat Afrikaans, maar haar kop dink nog in Engels. So het should móét geword en daarom het die Karoodorpie Willowmore die spoggerigste donkiekar met die twee vetste donkies gekry. Willow Limo, powered by Baviaans Tourism, lees die karretjie in Engels aan die agterkant, maar voorlangs is dit die ene Afrikaans. Patrys en Bessie is vertroud met instruksies soos "Hô-nou!", "Hôt!" en "Hokaai" soos Mnr. Jan Prins, die drywer, hulle sê. Niks van "steady boy" of sulke dinge nie, want netnou kom daar weer 'n misverstand en dalk is dit die keer 'n ongeluk en nie 'n bedekte sëën nie.

 

Die donkiekar-misverstand het só gebeur: Mev. Joanne Kroon van Finchley Farm net buite die dorp, het al bale gehoor van Graaff-Reinet se Andries Smit wat sulke wonderlike donkiekarre maak. Toe hulle weer hul seun Sean by die koshuis in Graaff-Reinet afgelaai het, het die Kroons na Smit se donkiekarre gaan kyk en dadelik in vervoering geraak.

 

Sy het gedink: "It's so lovely, it's wonderful, we should have something like this," maar in Afrikaans het should moet geword en Smit het sy opdrag aanvaar. 'n Week later laat weet hy die donkiekar én sy enjins - Patrys en Bessie - is reg vir Willowmore.

 

Joanne het 'n wind gesluk, besef die taalding moes in die middel gekom het en die hand in eie sak gedruk. Maar, die munisipaliteit sal met haar regmaak. Immers kort Willowmore al lankal só 'n karretjie.

 

Vir die dorp se kinders is dit inderdaad ene vreugde, want soggens vat Patrys en Bessie hulle skool toe en gaan haal hulle weer in die middag. En tussendeur ry Prins die toe-riste deur die dorpie. Hy was eers plaaswerker vir Mnr. Gousie van Jaarsveld in die Klein Karoo en het toe kom aftree in Willowmore. "Ja," sug hy met sagte leiselhande op Bessie en Patrys, "hierdie is maar 'n klein ou dorpie, maar ons kry elke dag besoe-kers."

 

En as hulle op sy karretjie enigiets anders as Afrikaans praat, dan glimlag hy en beduie maar só en só, sê Prins want, "netnou verstaan ons mekaar nie lekker nie."

 

 
 
View more news articles for this area.
Explore our Seven Wonders
Addo Brochure
Addo Travel Brochure
Ikwezi Mohair Festival